പത്തനംതിട്ടയിൽ വൻ തീപിടുത്തം

 പത്തനംതിട്ടയിൽ വൻ തീപിടിത്തം. പത്തനംതിട്ടയില്‍ സെന്‍ട്രല്‍ ജംഗ്ഷനിലെ സിവിൽ സ്റ്റേഷന് സമീപത്തെ വ്യാപാര സ്ഥാപനങ്ങളിലാണ് തീപിടിത്തമുണ്ടായത്. ചിപ്സ് കടയിലാണ്  ആദ്യം തീ പടര്‍ന്നത്. നഗരത്തിലെ 5 ഓളം കടകൾ കത്തി . ചിപ്സ് ഉണ്ടാക്കുന്ന കടയിലെ ഗ്യാസ് സിലൻഡർ പൊട്ടിത്തെറിച്ചാണ് അപകടമുണ്ടായത്.  

തുടർന്ന് സമീപത്തെ എ വൻ ബേക്കറി, ഒരു മൊബൈൽ ഷോപ്പ്, ചെരുപ്പ് കടയിലേക്കും തീ പടർന്നു പിടിക്കുകയായിരുന്നു. അഗ്നിശമനസേനയുടെ നേതൃത്വത്തിൽ തീ അണക്കാനുള്ള ശ്രമം നടത്തുന്നതിനിടെ കടകളിൽ സൂക്ഷിച്ചിരുന്ന ഗ്യാസ് കുറ്റികൾ പൊട്ടിത്തെറിച്ചതോടെ തീ കൂടുതൽ പടർന്നു പിടിക്കുകയായിരുന്നു.

തുടർന്ന് കൂടുതൽ ഫയർഫോഴ്സ് യൂണിറ്റുകളെ സ്ഥലത്തേക്ക് എത്തിച്ച് തീ അണക്കാനുള്ള ശ്രമം തുടരുകയാണ്. ആളുകൾ കടക്കുള്ളിൽ കുടുങ്ങിയിട്ടുണ്ടോയെന്നത് വ്യക്തമല്ല. പത്തനംതിട്ട നഗരത്തിലേക്കുള്ള ഗതാഗതം നിയന്ത്രിച്ചു. ആന്റോ ആന്റണി എം.പി സ്ഥലത്തെത്തി. തീ നിയന്ത്രണ വിധേയം ആയിട്ടുണ്ട്.

ഇവിടെ അഭിപ്രായങ്ങൾ എഴുതുക

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ മല്ലപ്പള്ളി ലൈവിൻ്റെതല്ല. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്‌. അഭിപ്രായങ്ങളുടെ പൂര്‍ണ ഉത്തരവാദിത്തം രചയിതാവിനായിരിക്കും. വ്യക്തി, സമുദായം, മതം, രാജ്യം എന്നിവയ് ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത്‌ സൈബര്‍ നിയമപ്രകാരം ശിക്ഷാര്‍ഹമാണ്‌.

വളരെ പുതിയ വളരെ പഴയ