കായിക മേഖലയ്ക്ക് പുത്തൻ ഉണർവ് നൽകുന്നതിനായി തിരുവല്ല പബ്ലിക് സ്റ്റേഡിയത്തെ ദേശീയ നിലവാരത്തിലേക്ക് ഉയർത്തുമെന്നതാണ് പ്രധാന വാഗ്ദാനങ്ങളിലൊന്ന്. ഇതോടൊപ്പം ആരോഗ്യ മേഖലയിലും വലിയ മാറ്റങ്ങൾ അദ്ദേഹം വിഭാവനം ചെയ്യുന്നു. മണ്ഡലത്തിലെ താലൂക്ക് ആശുപത്രികളുടെ വികസനത്തിന് പ്രത്യേക പരിഗണന നൽകുമെന്നും, ആനിക്കാട് - കോട്ടാങ്ങൽ കുടിവെള്ള പദ്ധതി ഉടൻ കമ്മീഷൻ ചെയ്യാനുള്ള നടപടികൾ സ്വീകരിക്കുമെന്നും അദ്ദേഹം അറിയിച്ചു.
വ്യവസായ രംഗത്തെ തളർച്ച പരിഹരിക്കാൻ ട്രാക്കോ കേബിൾസ്, പമ്പ ഷുഗർ ഫാക്ടറി എന്നിവയുടെ പുനരുദ്ധാരണം വേഗത്തിലാക്കും. കഴിഞ്ഞ അഞ്ചു വർഷമായി പ്രവർത്തനരഹിതമായ ട്രാക്കോ കേബിൾസിനെ പുനരുജ്ജീവിപ്പിക്കുന്നത് പ്രാദേശിക തൊഴിൽ മേഖലയ്ക്ക് വലിയ സഹായമാകും. കൂടാതെ, മല്ലപ്പള്ളിയിൽ പുതിയ ഫയർ സ്റ്റേഷൻ അനുവദിക്കുന്നതിനും, തിരുവല്ലയിൽ പോലീസിന്റെ പ്രവർത്തനത്തിന് അനുയോജ്യമായ രീതിയിൽ പുതിയ കെട്ടിടം നിർമ്മിക്കുന്നതിനും മുൻഗണന നൽകും.
യാത്രാ സൗകര്യങ്ങൾ മെച്ചപ്പെടുത്തുന്നതിനായി കെ.എസ്.ആർ.ടി.സി ഷോപ്പിംഗ് കോംപ്ലക്സ് കാര്യക്ഷമമായി ഉപയോഗിക്കുമെന്ന് അദ്ദേഹം പറഞ്ഞു. ഇവിടെ ഫുഡ് സ്റ്റാളുകൾ ഉൾപ്പെടെയുള്ള സംരംഭങ്ങൾ തുടങ്ങുന്നതിലൂടെ കൂടുതൽ വരുമാനം കണ്ടെത്താനാകും. ഗ്രാമീണ മേഖലകളിൽ കെ.എസ്.ആർ.ടി.സി ബസ് സർവീസുകളെക്കുറിച്ചുള്ള പരാതികൾ ഉടൻ പരിഹരിക്കുമെന്നും, പ്രവാസികളുടെ പുനരധിവാസത്തിനായി പ്രത്യേക ഭവന പദ്ധതികൾക്ക് ശ്രമിക്കുമെന്നും അദ്ദേഹം കൂട്ടിച്ചേർത്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 