കറുകച്ചാൽ മേഴ്സി റോഡിൽ പ്രവർത്തിക്കുന്ന ആക്രി കടയിൽ ബുധനാഴ്ച പുലർച്ചെ വൻ തീപിടുത്തമുണ്ടായി. പുലർച്ചെ ഏകദേശം 4 മണിയോടെയാണ് കടയിൽ നിന്ന് തീയും പുകയും ഉയരുന്നത് ശ്രദ്ധയിൽപ്പെട്ടത്. സമീപത്തെ മേഴ്സി ആശുപത്രിയിലെ ജീവനക്കാരാണ് വിവരം ആദ്യം അറിഞ്ഞതും ഉടൻ തന്നെ അഗ്നിശമന സേനയെ വിവരം അറിയിച്ചതും.
വിവരമറിഞ്ഞ ഉടൻ തന്നെ ചങ്ങനാശേരി, കോട്ടയം, പാമ്പാടി എന്നിവിടങ്ങളിൽ നിന്നായി 9 യൂണിറ്റ് ഫയർ ഫോഴ്സ് സംഘം സ്ഥലത്തെത്തി. മണിക്കൂറുകളോളം നീണ്ട കഠിനശ്രമത്തിനൊടുവിൽ തീ നിയന്ത്രണവിധേയമാക്കിയിട്ടുണ്ട്. നിലവിൽ തീ പൂർണ്ണമായും അണയ്ക്കാനുള്ള ശ്രമങ്ങൾ തുടരുകയാണ്. അപകടത്തിൽ ആർക്കും പരിക്കേറ്റതായി റിപ്പോർട്ടുകളില്ലെങ്കിലും കടയ്ക്കുള്ളിലുണ്ടായിരുന്ന സാധനങ്ങൾ ഭൂരിഭാഗവും കത്തിനശിച്ചു. തീപിടുത്തത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 