പത്തനംതിട്ട: ജില്ലയിൽ റിപ്പോർട്ട് ചെയ്ത പോക്സോ പീഡനക്കേസിൽ നിർണായക വഴിത്തിരിവ്. 13 വയസുകാരിയായ പെൺകുട്ടി ലൈംഗിക അതിക്രമത്തിന് ഇരയായിട്ടില്ലെന്ന് വൈദ്യപരിശോധനാ റിപ്പോർട്ടിൽ വ്യക്തമായി. കേസിൽ തനിക്കെതിരെ സഹപാഠികളിൽ നിന്ന് അതിക്രമം ഉണ്ടായിട്ടില്ലെന്ന് പെൺകുട്ടി പിന്നീട് മൊഴി മാറ്റുകയും ചെയ്തു.
കേസുമായി ബന്ധപ്പെട്ട് പെൺകുട്ടി പരസ്പരവിരുദ്ധമായ പ്രസ്താവനകളാണ് നടത്തുന്നതെന്ന് പോലീസ് അറിയിച്ചു. മൊഴികളിലെ ഈ വൈരുദ്ധ്യം മുൻനിർത്തി, സംശയത്തിന്റെ പേരിൽ കസ്റ്റഡിയിലെടുത്തിരുന്ന ആറുപേരെയും പോലീസ് വിട്ടയച്ചു. കസ്റ്റഡിയിലുണ്ടായിരുന്നവരിൽ പ്രായപൂർത്തിയാകാത്ത ഒരു പെൺകുട്ടിയും ഉൾപ്പെട്ടിരുന്നു.
ലഭ്യമായ സാഹചര്യങ്ങളും പെൺകുട്ടിയുടെ മൊഴികളും തമ്മിൽ പൊരുത്തക്കേടുകളുണ്ടെന്നാണ് അന്വേഷണസംഘത്തിന്റെ വിശദീകരണം. ഇതേത്തുടർന്ന് ഇന്നലെയും കേസിൽ കസ്റ്റഡിയിലുണ്ടായിരുന്ന ആറുപേരെ വിട്ടയച്ചിരുന്നു. അതേസമയം, കുട്ടിക്ക് ആരെങ്കിലും മയക്കുമരുന്ന് നൽകിയിട്ടുണ്ടോ എന്ന കാര്യമുൾപ്പെടെയുള്ള മറ്റ് സാധ്യതകളും പോലീസ് വിശദമായി അന്വേഷിച്ചുവരികയാണ്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 