കഴിഞ്ഞ കുറച്ചു ദിവസങ്ങളായി ഡാൻസാഫ് സംഘത്തിന്റെ നിരീക്ഷണത്തിലായിരുന്ന പ്രതിയുടെ വീട്ടിൽ ഞായറാഴ്ച ഉച്ചയോടെയാണ് പോലീസ് പരിശോധന നടത്തിയത്. കിടപ്പുമുറിയിലെ പുസ്തകങ്ങൾക്കിടയിൽ പ്രത്യേകം തയാറാക്കിയ രഹസ്യ അറയിൽ ഒളിപ്പിച്ച നിലയിലായിരുന്നു മയക്കുമരുന്ന് കണ്ടെടുത്തത്. ലഹരിവ്യാപാരത്തിന് മറയാക്കാൻ പ്രതി ഉപയോഗിച്ചിരുന്ന 'ആന്റി ഡ്രഗ്സ് മൂവ്മെന്റ് ഇൻ നേഷൻ' എന്ന സംഘടനയുടെ യൂത്ത് വിങ് സംസ്ഥാന പ്രസിഡന്റ് എന്ന് രേഖപ്പെടുത്തിയ വ്യാജ തിരിച്ചറിയൽ കാർഡും പോലീസ് പിടിച്ചെടുത്തിട്ടുണ്ട്.
തുടർന്ന് പെരുമ്പെട്ടി സ്റ്റേഷനിലെത്തിച്ച് നടത്തിയ ചോദ്യം ചെയ്യലിൽ പ്രതിക്ക് എറണാകുളം പാലാരിവട്ടം, ടൗൺ സ്റ്റേഷനുകളിലായി ലഹരിമരുന്ന് കേസുകളും, കോയിപ്രം സ്റ്റേഷനിൽ സ്ത്രീകളെ ആക്രമിച്ചതുൾപ്പെടെ രണ്ട് ക്രിമിനൽ കേസുകളും നിലവിലുണ്ടെന്ന് ജില്ലാ പോലീസ് മേധാവി വ്യക്തമാക്കി. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 