കൊറ്റനാട് ഗ്രാമപ്പഞ്ചായത്ത് പ്രസിഡന്റ് തിരഞ്ഞെടുപ്പ് ഡിസംബർ ഒമ്പതിന് വ്യാഴാഴ്ച 11-മണിക്ക്‌ നടക്കും. മല്ലപ്പള്ളി അസിസ്റ്റന്റ് രജിസ്ട്രാർ കോ-ഓപ്പറേറ്റീവ് സൊസൈറ്റീസ് (ജനറൽ) വരണാധികാരിയാകും.
തിരുവിതാംകൂർ ദേവസ്വം ബോർഡംഗമായി നിർദേശിക്കപ്പെട്ടതിനെ തുടർന്ന് സി.പി.ഐ. അംഗമായിരുന്ന അഡ്വ. മനോജ് ചരളേൽ പ്രസിഡന്റ് സ്ഥാനം രാജിവെച്ചതിനെ തുടർന്നാണ് തിരഞ്ഞെടുപ്പ് നടക്കുന്നത്. മെമ്പർ സ്ഥാനവും രാജിവെച്ചിരുന്നു.
13 അംഗ ഭരണസമിതിയിൽ എൽ.ഡി.എഫിന് എട്ട് അംഗങ്ങളാണുണ്ടായിരുന്നത്. ഇപ്പോൾ ഇത് ഏഴായി ചുരുങ്ങിയെങ്കിലും ഭൂരിപക്ഷമുള്ളതിനാൽ ഇടതുപക്ഷ അംഗം തന്നെ പ്രസിഡന്റ് ആകും. നിലവിലെ കക്ഷിനില: എൽ.ഡി.എഫ്.-ഏഴ്, ബി.ജെ.പി.-നാല്, കോൺഗ്രസ്-ഒന്ന് എന്നിങ്ങനെയാണ്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 