അന്തര്‍സര്‍വകലാശാല ദക്ഷിണ മേഖലാ വനിതാ ഹാന്‍ഡ്ബാള്‍ ചാമ്പ്യന്‍ഷിപ്പില്‍ എംജി സര്‍വകലാശാല ജേതാക്കളായപ്പോൾ മല്ലപ്പള്ളിക്ക് അഭിമാനമായി അക്സ സണ്ണി. ദക്ഷിണ മേഖല അന്തർ സർവകലാശാല വനിതാ ഹാൻഡ്‌ബോൾ ചാമ്പ്യൻഷിപ്പിൽ വിജയികളായ എംജി സർവകലാശാല ടീമംഗമായ അക്സ സണ്ണി മല്ലപ്പള്ളി ആനിക്കാട് പുല്ലുകുത്തി സ്വദേശിയാണ്.
തേവര എസ്‌എച്ച്‌ കോളേജില്‍ നടന്ന ചാമ്പ്യന്‍ഷിപ്പില്‍ പെരിയാര്‍, കലികറ്റ്‌, ഭാരതിയാര്‍ സര്‍വകലാശാലകൾ യഥാക്രമം രണ്ടും മൂന്നും നാലും സ്ഥാനങ്ങള്‍ നേടി. നാല് ടീമുകളും ചൊവ്വാഴ്ച നടക്കുന്ന അഖിലേന്ത്യാ ചാമ്പ്യന്‍ഷിപ്പിലേക്ക്‌ യോഗ്യത നേടിയിട്ടുണ്ട്‌.
അഖിലേന്ത്യാ ചാമ്പ്യന്‍ഷിപ്പും തേവര കോളേജില്‍ തന്നെയാണ്‌ നടക്കുന്നത്‌. സമാപനസമ്മേളനത്തില്‍ കൊച്ചി സിറ്റി പൊലീസ്‌ കമീഷണര്‍ കെ. സേതുരാമന്‍ ട്രോഫികള്‍ സമ്മാനിച്ചു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.