പത്തനംതിട്ട ജില്ലയിലെ പുതിയ കളക്ടർ അടുത്തയാഴ്ച ചുമതലയേൽക്കും

 പത്തനംതിട്ട ജില്ലയിലെ പുതിയ കളക്ടർ എ. ഷിബു അടുത്തയാഴ്ച ചുമതലയേൽക്കും. തിരുവനന്തപുരം കരമന സ്വദേശിയാണ്. ജില്ലയിലെ മുൻ ഡെപ്യൂട്ടി കളക്ടറാണ്. 2009- ൽ കളക്ടറേറ്റിലും ജില്ലയിലെ വിവിധ റവന്യൂ ഓഫീസുകളിലും പ്രവർത്തിച്ചിട്ടുണ്ട്.

ഹൗസിംഗ് ബോർഡ് സെക്രട്ടറി, കമ്മിഷണർ,​ ലാൻഡ് ബോർഡ് സെക്രട്ടറി, എറണാകുളം ജില്ലാ ഡവലപ്മെന്റ് കമ്മിഷണർ, കയർ ഡവലപ്മെന്റ് കോർപ്പറേഷൻ എം.ഡി. എന്നീ ചുമതലകൾ വഹിച്ചിട്ടുണ്ട്.

സാമൂഹിക സുരക്ഷാ മിഷന്റെ സംസ്ഥാന എക്സിക്യുട്ടീവ് ഡയറക്ടർ തസ്തികയിൽ നിന്നാണ് പത്തനംതിട്ട കളക്ടർ പദവിയിലേക്കെത്തുന്നത്.

2015-ലെ ഐ.എ.എസ്. ബാച്ചുകാരനാണ്. ഖത്തറിൽ ഐ.ടി. ഉദ്യോഗസ്ഥയായ ഷക്കീലയാണ് ഭാര്യ. ഖത്തർ എയർവേസിൽ പൈലറ്റായ ദിൽഷാദ്, ഏഴാം ക്ലാസ് വിദ്യാർത്ഥിനിയായ ജൊഹാന എന്നിവരാണ് മക്കൾ.