കനത്ത കാറ്റിലും മഴയിലും മരംവീണു ഷെഡ് തകർന്നാണു കോട്ടാങ്ങൽ വെള്ളിക്കര ബേബി ജോസഫ് (60) മരിച്ച സംഭവം ഇന്നലെ വൈകിട്ട് ഏഴിനാണു പുറത്തറിയുന്നത്. ടാക്സി ഡ്രൈവറായ ബേബിയും ഭാര്യ ജ്യോതിയുമാണ് ഈ വീട്ടിൽ താമസിച്ചിരുന്നത്. സഹോദരിയുടെ വീട്ടിലായിരുന്ന ഭാര്യ ജ്യോതി, ബേബിയെ ഫോണിൽ വിളിച്ചപ്പോൾ എടുക്കാത്തതിനെ തുടർന്ന് അയൽവാസികളെ വിവരം അറിയിച്ചു.
അവർ പോയി നോക്കിയപ്പോഴാണ് വീടിനു ചേർന്നുള്ള ഷെഡിനു സമീപം ബേബി മരിച്ചു കിടക്കുന്നതായി കണ്ടെത്തുന്നത്. കാറ്റടിച്ചു മരം മുകളിലേക്ക് വീണു ഷെഡ് തകർന്നതാകാം കാരണമെന്നാണു പൊലീസ് നിഗമനം. മല്ലപ്പള്ളി സ്വകാര്യ മോർച്ചറിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകും. മക്കൾ: മിലൻ, മെർലിൻ.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 