ആങ്ങമൂഴി ജനവാസകേന്ദ്രത്തില്‍ ഇറങ്ങിയ പുലിയെ വനപാലകര്‍ കെണി വെച്ചുപിടിച്ചു. ആങ്ങമൂഴി മുരിക്കിനിയിൽ സുരേഷിന്റെ വീട്ടിലെ ആട്ടിൻകൂട്ടിൽ കയറിയ പുലിയെയാണ് വനംവകുപ്പ് പിടിച്ചത്. മുന്‍ കാലിന് പരിക്കേറ്റ നിലയിലായിരുന്നു പുലി. ബുധനാഴ്ച രാവിലെ ഒൻപതിനാണ്‌ സംഭവം.
വീട്ടുമുറ്റത്തെ ആട്ടില്‍കൂട്ടില്‍ പുലി നില്‍ക്കുന്നത് വീട്ടുകാര്‍ കണ്ടതോടെ പൊലീസിനേയും വനംവകുപ്പിനേയും വിവരമറിയിച്ചു. വനപാലകരും ആർആർപി സംഘവുമെത്തി വല വിരിച്ച് പുലിയെ കൂട്ടിലാക്കുകയായിരുന്നു. പരിക്കേറ്റ് അവശനിലയിലായ പുലി ആരേയും ആക്രമിക്കാനോ ചാടിപ്പോകാനോ ശ്രമിച്ചില്ല.
റാന്നി ആർആർപി ഓഫീസിലെത്തിച്ച്‌ വനംവകുപ്പ് ഡോക്ടറെത്തി പരിശോധിച്ചു. 10 മാസം പ്രായമുള്ള പുലിയെ കൊല്ലം ജില്ലാ വെറ്റിനറി ആശുപത്രിയിലേക്ക് മാറ്റി. രോഗം ദേഭമായ ശേഷമേ വനത്തിലേക്ക് തുറന്നുവിടുകയുള്ളൂവെന്ന് ഗൂഡ്രിക്കൽ റെയ്ഞ്ച് ഓഫീസർ എസ് മണി പറഞ്ഞു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.