മല്ലപ്പള്ളി താലൂക്കിൽ മല്ലപ്പള്ളി,ആനിക്കാട്, കോട്ടാങ്ങൽ,പുറമറ്റം, എഴുമറ്റൂർ, കൊറ്റനാട് എന്നീ പഞ്ചായത്ത് പ്രദേശങ്ങളിൽ കുടിവെള്ള ക്ഷാമം രൂക്ഷമാകുന്നു. ജല അതോറിറ്റി നിന്നും ലഭിയ്ക്കുന്ന ജലമാണ് ഗ്രാമവാസികളുടെ ആശ്രയം.
ജലക്ഷാമം രൂക്ഷമായി കൊണ്ടിരിക്കുമ്പോഴും ജല അതോറിറ്റിയുടെ ജലം പാഴാക്കുന്ന കാഴ്ചയാണ് കാണാൻ കഴിയുക. മല്ലപ്പള്ളി പഞ്ചായത്ത് പരുതിയിൽ 4, കോട്ടാങ്ങൽ 7, എഴുമറ്റൂർ 9, ആനിക്കാട് 9,10 വാർഡുകളിൽ ജല അതോറിറ്റിയുടെ പെപ്പുലൈൻ ചോർച്ചയിലൂടെ കുടിവെള്ളം പാഴാക്കുന്നുണ്ട്. പൈപ്പുലൈനിൽ അറ്റകുറ്റപ്പണികൾ നടത്തുന്നുണ്ടെങ്കിലും കാര്യമായ മാറ്റമൊന്നുമില്ലെന്നാണ് നാട്ടുകാരുടെ ആരോപണം.
ഈ വെള്ളം വില്ലനാകുമോയെന്ന ആശങ്കയിലാണ് ജനങ്ങൾ. ശുദ്ധീകരണം കൂടാതെ നേരിട്ട് ജലം ഉപയോഗിക്കുന്നവരാണ് രോഗബാധ ഭയന്ന് കഴിയുന്നത്. കോട്ടാങ്ങൽ, ആനിക്കാട്, മല്ലപ്പള്ളി, പുറമറ്റം, എഴുമറ്റൂർ എന്നീ പഞ്ചായത്തുകളിൽ പുഴയിലെ വെള്ളം നേരിട്ട് പൈപ്പുകൾ വഴി വീടുകളിലെത്തുകയാണ് ചെയ്യുന്നത്.
വാട്ടർ അതോറിറ്റി ക്ളോറിൻ കലക്കുക മാത്രമാണ് ചെയ്യുന്നത്. 30 കോടി രൂപ ചെലവിൽ മൂന്ന് പഞ്ചായത്തുകൾക്കായി തീർത്ത വാട്ടർ ട്രീറ്റ്മെന്റ് പ്ലാന്റ് തുരുമ്പെടുത്ത് തുടങ്ങി. പൈപ്പിടാൻ പണമില്ലാത്തതിനാൽ പദ്ധതി മുടങ്ങിയിരിക്കുകയാണ്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 