കല്ലൂപ്പാറയിൽ കാട്ടുപന്നിയെ വെടി വച്ചു കൊന്നു

 കല്ലൂപ്പാറയിൽ കൃഷി നശിപ്പിക്കാനിറങ്ങിയ കാട്ടുപന്നിയെ വെടി വച്ചു കൊന്നു. കല്ലൂപ്പാറ കരിമ്പിൽ റെജിയുടെ പുരയിടത്തിൽ നിന്നാണ് കഴിഞ്ഞ ദിവസം പുലർച്ചെ ഒന്നരയോടെ എഴുപത് കിലോയിലധികം തൂക്കം വരുന്ന പെൺപന്നിയെ എം പാനൽ ഷൂട്ടർ ജോസ് പ്രകാശ് വെടിെവച്ചത്. 

പഞ്ചായത്ത് വൈസ് പ്രസിഡന്റ് ചെറിയാൻ മണ്ണഞ്ചേരി, വാർഡ് അംഗം ടി.ടി.മനു, കർഷക ജാഗ്രതാ സമിതി അംഗങ്ങളായ ലെജു ഏബ്രഹാം, ടിജോ ജോസഫ് തുടങ്ങിയവരുടെ സാന്നിധ്യത്തിൽ പന്നിയുടെ ജഡം ശാസ്ത്രീയമായി സംസ്കരിച്ചു. 

സർക്കാർ ഉത്തരവിറങ്ങിയതോടെ ഓണററി വൈൽഡ് ലൈഫ് വാർഡന്റെ അധികാരം ഉപയോഗിച്ച് പഞ്ചായത്ത് പ്രസിഡന്റ് സൂസൻ തോംസൺ രണ്ട് എം പാനൽ ഷൂട്ടർമാരെ ചുമതലപ്പെടുത്തിയിരുന്നു.