പുതുതായി പണിതുകൊണ്ടിരുന്ന വീടിന് മുകളില്‍ നിന്ന് വീണ് എട്ട് വയസ്സുകാരന് മരിച്ചു. പത്തനംതിട്ട ആനിക്കാട് നൂറോന്മാവ് പേക്കുഴി മേപ്പുറത്ത് ബിനു ഷൈനി ദമ്പതികളുടെ മകന്‍ സ്റ്റാന്‍ലി ആണ് മരിച്ചത്.
ഇന്നലെ വൈകിട്ട് ആറിനാണ് സംഭവം. പുതുതായി നിര്‍മിക്കുന്ന വീടിന് മുകളില്‍ കയറിയപ്പോള്‍ കാല്‍ തെന്നി വീഴുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
മുരണി എന്‍ എസ് എസ് യു പി എസിലെ രണ്ടാം ക്ലാസ് വിദ്യാര്‍ഥിയാണ് സ്റ്റാന്‍ലി. കീഴ്‌വായ്പുര്‍ പോലീസ് ഇന്‍ക്വസ്റ്റ് നടത്തി. മൃതദേഹം പോസ്റ്റുമോര്‍ട്ടത്തിനായി ആശുപത്രി മോര്‍ച്ചറിയിലേക്കു മാറ്റി. പുന്നവേലി സി എം എസ് ഹൈസ്‌കൂള്‍ വിദ്യാര്‍ഥി ബെന്നറ്റ് സഹോദരനാണ്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 