ജില്ലാ പോലീസ് മേധാവി ആർ. ആനന്ദ് ഐ.പി.എസിന് ലഭിച്ച രഹസ്യ വിവരത്തെത്തുടർന്ന് പ്രതികൾ ഏറെ നാളായി പോലീസിന്റെ നിരീക്ഷണത്തിലായിരുന്നു. ജില്ലാ നർക്കോട്ടിക് സെൽ ഡി.വൈ.എസ്.പി പ്രകാശ് കെ.എസ്, തിരുവല്ല ഡി.വൈ.എസ്.പി ജിജു ടി.ആർ എന്നിവരുടെ മേൽനോട്ടത്തിൽ പ്രത്യേക അന്വേഷണസംഘം രൂപീകരിച്ചാണ് ഇവരെ പിടികൂടാൻ നീക്കം നടത്തിയത്.
തിരുവല്ല ഇൻസ്പെക്ടർ എസ്.എച്ച്.ഒ സുജിത് കെ.എസിന്റെ നേതൃത്വത്തിലുള്ള സംഘം ശനിയാഴ്ച മുതൽ ഇവരെ രഹസ്യമായി പിന്തുടരുന്നുണ്ടായിരുന്നു. ഇന്നലെ പുലർച്ചെ ബസ് സ്റ്റാൻഡിൽ എത്തിയ പ്രതികളെ പോലീസ് സംഘം വളയുകയായിരുന്നു.
എസ്.ഐ ധന്യ, അജികുമാർ ആർ എന്നിവരും ജില്ലാ ഡാൻസാഫ് (DANSAF) ടീമും തിരുവല്ല ഡാൻസാഫ് സ്പെഷ്യൽ സ്ക്വാഡും ചേർന്നാണ് പ്രതികളെ വലയിലാക്കിയത്. അന്യസംസ്ഥാനങ്ങളിൽ നിന്ന് വലിയ അളവിൽ ലഹരിമരുന്ന് കേരളത്തിലെത്തിച്ച് ചെറുകിട വിൽപനക്കാർക്ക് എത്തിച്ചുനൽകുന്ന 'ക്യാരിയേഴ്സ്' ആയി ഇവർ പ്രവർത്തിച്ചു വരികയായിരുന്നു എന്നാണ് പ്രാഥമിക വിവരം.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 