കോഴഞ്ചേരി ജില്ല ആശുപത്രി ഒ പി ആന്ഡ് ഡയഗ്നോസ്റ്റിക് ബ്ലോക്ക്, എ ആന്ഡ് ബി ബ്ലോക്കിന്റെ നവീകരണം, വന്ധ്യതാ നിവാരണ ക്ലിനിക് എന്നിവയുടെ ഉദ്ഘാടനം നാളെ (ഫെബ്രുവരി 24) വൈകിട്ട് ആറിന് കോഴഞ്ചേരി വണ്ടിപ്പേട്ടയില് മുഖ്യമന്ത്രി പിണറായി വിജയന് നിര്വഹിക്കും. ആരോഗ്യ വകുപ്പ് മന്ത്രി വീണാ ജോര്ജ് അധ്യക്ഷയാകും. ആന്റോ ആന്റണി എം പി മുഖ്യപ്രഭാഷണം നടത്തും.
ആരോഗ്യ-കുടുംബ ക്ഷേമ വകുപ്പ് അഡീഷണല് ചീഫ് സെക്രട്ടറി ഡോ. രാജന് എന് ഖൊബ്രഗഡെ, ജില്ലാ പഞ്ചായത്ത് പ്രസിഡന്റ് ദീനാമ്മ റോയി എന്നിവര് മുഖ്യാതിഥിയാകും. കിഫ്ബി ഫണ്ട് 30.25 കോടി രൂപ വിനിയോഗിച്ചാണ് ഒ പി, ഡയഗ്നോസ്റ്റിക് ബ്ലോക്ക് നിര്മാണം. ആരോഗ്യ കേരളം പദ്ധതിയില് മൂന്ന് കോടി രൂപ ചെലവിലാണ് എ ആന്ഡ് ബി ബ്ലോക്ക് നവീകരിച്ചത്.
ജില്ലാ കലക്ടര് എസ് പ്രേം കൃഷ്ണന്, ആരോഗ്യ കുടുംബക്ഷേമ വകുപ്പ് ഡയറക്ടര് ഡോ. കെ ജെ റീന, ജില്ലാ മെഡിക്കല് ഓഫീസര്(ആരോഗ്യം) ഡോ. എല് അനിതാകുമാരി, ത്രിതല പഞ്ചായത്ത് അംഗങ്ങള്, വിവിധ രാഷ്ട്രീയ പാര്ട്ടി പ്രതിനിധികള് തുടങ്ങിയവര് പങ്കെടുക്കും.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 