10 വയസ്സുകാരിയെ ലൈംഗികമായി പീഡിപ്പിച്ച ചെങ്ങരൂർ സ്വദേശി അറുപതുകാരന് 25 വർഷം കഠിനതടവും 3 ലക്ഷം രൂപ പിഴയും വിധിച്ച് പത്തനംതിട്ട അതിവേഗകോടതി. ജഡ്ജി ഡോണി തോമസ് വർഗീസിന്റെതാണ് വിധി. കല്ലൂപ്പാറ ചെങ്ങരൂർ കടുവാക്കുഴി ചൂരംകുറ്റിക്കൽ വീട്ടിൽ ഭുവനേശ്വരൻ പിള്ള (മണി–60) ആണ് ശിക്ഷിക്കപ്പെട്ടത്.
കീഴ്‌വായ്‌പൂര് പൊലീസ് 2023 ൽ റജിസ്റ്റർ ചെയ്ത കേസിലാണ് വിധി. പ്രതിയുടെ വീട്ടിൽ വച്ചായിരുന്നു പീഡനം. ഇൻസ്‌പെക്ടർ വിപിൻ ഗോപിനാഥനാണ് കേസ് അന്വേഷണം പൂർത്തിയാക്കി കോടതിയിൽ കുറ്റപത്രം ഹാജരാക്കിയത്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ റോഷൻ തോമസ് ഹാജരായി. എഎസ്ഐ ഹസീന പ്രോസിക്യൂഷൻ നടപടികളിൽ സഹായിയായി.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 