മല്ലപ്പള്ളി പഞ്ചായത്തിൽ കാട്ടുപന്നിശല്യം അതീവ രൂക്ഷമാകുകയും വ്യാപകമായ കൃഷിനാശം ഉണ്ടാകുകയും ചെയ്തതായി റിപ്പോർട്ട്. കഴിഞ്ഞദിവസം രാത്രിയിൽ കൂട്ടമായെത്തിയ കാട്ടുപന്നികൾ മല്ലപ്പള്ളി ഈസ്റ്റ് തേക്കുംപ്ലാക്കൽ കെ.എസ്. സുനിൽകുമാറിന്റെ കൃഷിയിടം ആക്രമിച്ചു. രണ്ടര മാസം വളർച്ചയെത്തിയ 60 മൂട് ഏത്തവാഴ തൈകളും, 25 സെന്റിൽ കൃഷി ചെയ്തിരുന്ന വഴുതന, പച്ചമുളക്, വെണ്ട, മത്തൻ, വാളരിപ്പയർ തുടങ്ങിയ പച്ചക്കറി തൈകളും പന്നിക്കൂട്ടം പൂർണ്ണമായി നശിപ്പിച്ചു. പ്രദേശത്ത് കാട്ടുപന്നികളുടെ ശല്യം വർദ്ധിക്കുന്നത് കർഷകരെ വലിയ പ്രതിസന്ധിയിലാക്കിയിരിക്കുകയാണ്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 