കഴിഞ്ഞ ഓഗസ്റ്റ് 28നു പുലർച്ചെ 2:30ഓടെയായിരുന്നു കേസിനാസ്പദമായ സംഭവം. ചങ്ങനാശേരി മനയ്ക്കച്ചിറയിലെ സെക്കൻഡ് ഹാൻഡ് വാഹനങ്ങൾ വിൽക്കുന്ന സ്ഥാപനത്തിൽ നിന്നുമാണ് പ്രതികൾ ഓട്ടോ മോഷ്ടിച്ചത്. തുടർന്ന് എംസി റോഡിലൂടെ തിരുവല്ല ഭാഗത്തേക്ക് തള്ളിക്കൊണ്ടുപോവുകയായിരുന്നു.
പൊലീസ് നടത്തിയ ശക്തമായ അന്വേഷണമാണ് പ്രതികളെ കുടുക്കിയത്. പരിസരങ്ങളിലെ സിസിടിവി ദൃശ്യങ്ങൾ പരിശോധിച്ചപ്പോൾ പ്രതികളിൽ ഒരാളുടെ മുഖം അവ്യക്തമായി ലഭിച്ചു. വാഹനം തിരുവല്ല ബൈപാസിനു സമീപം വരെ കൊണ്ടുവരുന്ന ദൃശ്യങ്ങളും പൊലീസിന് ലഭിച്ചിരുന്നു. തുടർന്ന് ഈ മേഖലയിലെ വാഹനമോഷ്ടാക്കളെ കേന്ദ്രീകരിച്ച് നടത്തിയ അന്വേഷണമാണ് പ്രതികളിലേക്ക് എത്തിച്ചത്.
പിടിയിലായ സരുൺ പോക്സോ കേസിൽ പ്രതിയാണെന്നും പൊലീസ് വ്യക്തമാക്കി. മോഷ്ടിച്ച ഓട്ടോ പൂർണ്ണമായും പൊളിച്ചുകച്ചവടം ചെയ്തെങ്കിലും, ബോഡിയുൾപ്പെടെയുള്ള പ്രധാന ഭാഗങ്ങൾ പൊലീസ് കണ്ടെടുത്തു.
ചങ്ങനാശേരി ഡിവൈഎസ്പി എസ്. ആഷാദിന്റെ നേതൃത്വത്തിൽ, ചങ്ങനാശേരി സിഐ അനിൽ ജോർജ്, എസ്ഐമാരായ അഖിൽ, ജൂഡ്, കലേഷ്, സതീഷ് എന്നിവരടങ്ങിയ സംഘമാണ് പ്രതികളെ പിടികൂടിയത്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 