കോട്ടാങ്ങല്‍ പഞ്ചായത്തില്‍ ശുദ്ധജലക്ഷാമം രൂക്ഷമാകുന്നു. വേനല്‍ ആരംഭിച്ചതോടെ പഞ്ചായത്തിന്റെ ഉയര്‍ന്ന പ്രദേശങ്ങളില്‍ കൂടിവെള്ളത്തിനായി ജനം പരക്കംപാച്ചില്‍ തുടങ്ങി.
വഞ്ചികപാറ, ആലപ്ര ക്കാട്‌, പൂല്ലാന്നിപാറ, തൊടുകയില്‍മല, തടത്തേല്‍മല, ആനക്കുഴി, മലമ്പാറ, ആനപ്പാറ, പള്ളിമല, നിര്‍മലപുരം നാഗപ്പാറ, പ്രിയദര്‍ശിനി കോളനി, മുഴമുട്ടം, കിടി കെട്ടിപ്പാറ, പൂളിക്കന്‍പാറ പ്രദേശങ്ങളില്‍ കുടി വെള്ളക്ഷാമം അതിരൂക്ഷമായിരിക്കുകയാണ്‌.
എല്ലായിടത്തും പൈപ്പുലൈനുകള്‍ ഉണ്ടെങ്കിലും ജലമെത്തുന്നത്‌ വല്ലപ്പോഴും മാത്രമാണ്‌. കണക്ഷനുകള്‍ അധികമായതോടെ ഉയര്‍ന്ന പ്രദേശങ്ങളിൽ ഉള്ളവര്‍ക്ക്‌ അവശ്യത്തിന്‌ ജലം ലഭിക്കാറുമില്ല.
ആഴ്ചയിൽ ഒരു പ്രാവശ്യം പൈപ്പുലൈനുകളില്‍ ശുദ്ധജലം എത്തിയിരുന്ന സ്ഥലങ്ങളില്‍ ഇപ്പോള്‍ ആഴ്ചകള്‍ കാത്തിരിക്കണം വെള്ളം എത്താൻ എന്ന് നാട്ടുകാര്‍ പറയുന്നു. പഞ്ചായത്തിലെ കുടിവെള്ള ക്ഷാമത്തിന്‌ പരിഹാരം കാണുന്നതിന് ആരംഭിച്ച മലമ്പാറ ശുദ്ധജ ലപദ്ധതികളുടെ പൂര്‍ണ പ്രയോജനം ലഭ്യമാക്കാന്‍ ഇതുവരെ അധികൃതര്‍ക്ക്‌ കഴിഞ്ഞിട്ടില്ല എന്നാണ്‌ നാട്ടുകാരുടെ ആക്ഷേപം.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.