ആഞ്ഞിലിത്താനം ചിറക്കുളത്ത് ആഞ്ഞിലിമൂട്ടിൽ വീട്ടിൽ ഞായറാഴ്ച പുലർച്ചെ രണ്ട് മണിയോടെ ആക്രമണം. അനന്തു (22), അമ്മ മിനി എന്നിവർക്ക് മർദനമേറ്റു. ഇരുവരും കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്.
അനന്തുവിനെ അടിക്കുകയും വെട്ടുകയും ചെയ്തു. തടയാൻ ശ്രമിച്ച മിനിക്ക് അടിയേറ്റു. ആക്രമണത്തിന് നേതൃത്വം നൽകിയ ആഞ്ഞിലിത്താനം പള്ളത്തുശ്ശേരിൽ താഴെവീട്ടിൽ അനീഷിനെ (34) സ്പാനർ കൊണ്ട് തലയ്ക്ക് അടിയേറ്റനിലയിൽ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു.
കവിയൂർ ഉത്സവസ്ഥലത്ത് അനീഷും അനന്തുവും തമ്മിൽ വാക്കേറ്റമുണ്ടായിരുന്നു. ഇതേത്തുടർന്നാണ് വീട് കയറി ആക്രമണമെന്ന് പോലീസ് പറയുന്നു. അനീഷ് അടക്കം അഞ്ചുപേർ എത്തി നടത്തിയ സംഘട്ടനത്തിന്റെ വീഡിയോ ദൃശ്യങ്ങൾ ലഭിച്ചിട്ടുണ്ട്. കീഴ്വായ്പൂര് പോലീസ് വധശ്രമത്തിന് കേസെടുത്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 