ഓതറ പുതുക്കുളങ്ങര ഭഗവതി ക്ഷേത്രത്തിൽ പടയണി മഹോത്സവത്തിന്റെ സമാപന ചടങ്ങുകൾക്ക് ഇടെയുണ്ടായ സംഘർഷത്തിൽ മൂന്നുപേർക്ക് കുത്തേറ്റു. ചെങ്ങന്നൂർ വാഴാർമംഗലം ഉമ്മറ തറയിൽ വീട്ടിൽ എസ് സഞ്ജു, വാഴാർമംഗലം ഉമ്മറത്തറയിൽ വീട്ടിൽ കാർത്തികേയൻ, വാഴാർമംഗലം ചെമ്പകശ്ശേരി വീട്ടിൽ പവിൻ എന്നിവർക്കാണ് കുത്തേറ്റത്. ബുധനാഴ്ച രാത്രി പത്തരയോടെ ആയിരുന്നു സംഭവം.
കാർത്തികേന്റെ പുറത്തും പവിൻ , സഞ്ജു എന്നിവർക്ക് വയറിനും ആണ് കുത്തേറ്റത്. മൂവരെയും തിരുവല്ല പുഷ്പഗിരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഓതറ സ്വദേശികളായ രണ്ടു പേരെ പ്രതികളാക്കി തിരുവല്ല പോലീസ് കേസെടുത്തു. മണ്ണ് മാഫിയകൾ തമ്മിൽ മണ്ണെടുപ്പിനെ ചൊല്ലി ഉണ്ടായ തർക്കമാണ് വാക്കേറ്റത്തിലും സംഘർഷത്തിലും കലാശിച്ചതെന്ന് പോലീസ് പറഞ്ഞു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.