മല്ലപ്പള്ളി താലൂക്ക് ആശുപത്രി കെട്ടിടസമുച്ചയം 30 മാസം കൊണ്ട് നിർമിക്കുമെന്ന് മന്ത്രി കെ.കൃഷ്ണൻകുട്ടി

മല്ലപ്പള്ളി താലൂക്ക് ആശുപത്രി കെട്ടിടസമുച്ചയം 30 മാസംകൊണ്ട് നിർമിക്കുമെന്ന് മന്ത്രി കെ.കൃഷ്ണൻകുട്ടി പറഞ്ഞു. മല്ലപ്പള്ളി ഇലക്ട്രിക്കൽ സബ് ഡിവിഷൻ-സെക്ഷൻ ഓഫീസ് മന്ദിര ഉദ്‌ഘാടനത്തിന് എത്തിയതായിരുന്നു അദ്ദേഹം. പണിയുടെ പുരോഗതി വിലയിരുത്തുന്നതിന് പ്രത്യേക ബോർഡ് വെയ്ക്കണമെന്നും മന്ത്രി നിർദേശിച്ചു.

കെ.എസ്.ഇ.ബി. സിവിൽ വിഭാഗമാണ് താലൂക്ക് ആശുപത്രിയുടെ നിർമാണച്ചുമതല ഏറ്റെടുത്തിരിക്കുന്നത്. ഇവർ 38.25 കോടി രൂപയുടെ എസ്റ്റിമേറ്റ് തയ്യാറാക്കിയിട്ട് നാല് വർഷം കഴിഞ്ഞു. 2019 മേയ് 28-ന് സർക്കാർ ഭരണാനുമതിയും നൽകി. എന്നാൽ, ഇതുവരെ പ്രവൃത്തി തുടങ്ങാനായിട്ടില്ല.