കോട്ടാങ്ങല്‍-പാടിമണ്‍ ജേക്കബ്സ് റോഡില്‍ വാട്ടര്‍ അതോറിറ്റിയുടെ പൈപ്പ് പൊട്ടല്‍ നിത്യസംഭവമാകുന്നു.
ആഴ്ചകള്‍ക്ക് മുമ്പ് വായ്പൂര് യതീംഖാനക്കു സമീപം പൈപ്പ് പൊട്ടി വെള്ളം റോഡിലൂടെ ഒഴുകിയത് ദിവസങ്ങളോളമാണ്. വിണ്ടും നൂറുമീറ്ററോളം ദൂരത്തില്‍ രണ്ടിടത്താണ് ഇപ്പോള്‍ പൈപ്പ് പൊട്ടിയത്. സെന്റ് മേരീസ് പള്ളിക്കുസമീപം പൈപ്പ് പൊട്ടിയതിനെത്തുടര്‍ന്ന് വാട്ടര്‍ അതോറിറ്റി അധികൃതര്‍ റോഡ് വെട്ടിപ്പൊളിച്ച കുഴിയില്‍വിണ് കഴിഞ്ഞ ദിവസം ഒരാൾക്ക് കാലിനും കൈക്കും പരിക്കുണ്ട്.
ഇരുചക്ര വാഹനത്തിനും കേടുപാട് സംഭവിച്ചു. അധികൃതരുടെ അനാസ്ഥയാണ് അപകട കാരണമെന്ന് ആക്ഷേപമുണ്ട്. പൈപ്പ് പൊട്ടല്‍ നിരന്തരമായി ഉണ്ടാകുന്നതിനാല്‍ നിരവധി പ്രദേശങ്ങളില്‍ കുടിവെള്ള വിതരണം തടസ്സപ്പെടുന്നതും പതിവാകുന്നു. ഉന്നത നിലവാരത്തില്‍ ടാറിങ് ജോലികള്‍ പൂര്‍ത്തിയാക്കിയ റോഡില്‍ പൈപ്പ് പൊട്ടല്‍ പതിവാകുന്നതിനാല്‍ റോഡി‍ന്റെ തകര്‍ച്ചയും വേഗത്തിലാകുമെന്ന ആശങ്കയും ഉയരുന്നുണ്ട്. പൈപ്പ് പൊട്ടലിന് ശാശ്വതപരിഹാരം കാണണമെന്ന ആവശ്യം ശക്തമാകുകയാണ്.
News Courtesy: www.janamaithripampadynews.com
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 