റാന്നി മാടത്തുംപടിയിൽ ബൈക്കും കെസ്ആർടിസി ബസ്സും കൂട്ടിയിടിച്ച് ബൈക്ക് യാത്രക്കാരൻ മരിച്ചു. റാന്നി മാടത്തുംപടിയിൽ ഇന്ന് ഉച്ചകഴിഞ്ഞാണ് അപകടം നടന്നത്. മക്കപ്പുഴ മാവേലില്‍ വീട്ടില്‍ പ്രതീഷ് (34)ആണ് മരിച്ചത്. തിങ്കളാഴ്ച വൈകിട്ട് 3.15 ന് എരുമേലി ഭാഗത്തുനിന്നും വന്ന ബസും ചെത്തോങ്കരയില്‍ നിന്ന് വന്ന ബൈക്കും ഇടിക്കുകയായിരുന്നു.
ഇടിയുടെ ആഘാതത്തില്‍ ഇരുചക്രവാഹവും പ്രതീഷും ബസ്സിന്റെ മുന്‍ഭാഗത്ത് കുടുങ്ങിയ നിലയില്‍ ആയിരുന്നു.വിവരമറിഞ്ഞെത്തിയ ഫയര്‍ഫോഴ്‌സും നാട്ടുകാരും ചേര്‍ന്ന് പുറത്തെടുത്തെടുത്ത് റാന്നി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തുടര്‍ന്ന് മൃതദേഹം റാന്നിയിലെ ഒരു സ്വകാര്യ ആശുപത്രി മോര്‍ച്ചറിയിയിലേക്ക് മാറ്റി.
പിതാവ് മോഹനന്‍ ,മാതാവ് ലളിത ,ഭാര്യ മഞ്ചുഷ. സംസ്‌ക്കാരം പിന്നീട്.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 