നാ​ലാം​ ക്ലാ​സ് വി​ദ്യാ​ർ​ഥി​നി​യ്ക്കു നേ​രെ ലൈം​ഗി​കാ​തി​ക്ര​മം; ഓ​ട്ടോ​റി​ക്ഷ ഡ്രൈ​വ​ർ അ​റ​സ്റ്റി​ൽ

നാ​ലാം ക്ലാ​സ് വി​ദ്യാ​ർ​ഥി​നി​ക്കു നേ​രെ ലൈം​ഗി​കാ​തി​ക്ര​മം ന​ട​ത്തി​യ സം​ഭ​വ​ത്തി​ൽ ഓ​ട്ടോ​റി​ക്ഷ ഡ്രൈ​വ​റാ​യ അ​റു​പ​ത്തേ​ഴു​കാ​ര​ൻ അ​റ​സ്റ്റി​ലാ​യി. തി​രു​വ​ല്ല വെ​ൺ​പാ​ല താ​ഴ​മ്പ​ള്ള​ത്ത് വീ​ട്ടി​ൽ വ​ർ​ഗീ​സാ​ണ് (കു​ഞ്ഞാ​യ​ൻ) തി​രു​വ​ല്ല പോ​ലീ​സി​ന്‍റെ പി​ടി​യി​ലാ​യ​ത്.

ക​ഴി​ഞ്ഞ ഒ​രു വ​ർ​ഷ​മാ​യി കു​ട്ടി ഇ​യാ​ളു​ടെ ഓ​ട്ടോ​റി​ക്ഷ​യി​ലാ​ണ് സ്കൂ​ളി​ൽ വ​ന്നു പോ​യി​രു​ന്ന​ത്. സ്കൂ​ളി​ൽ നി​ന്നു തി​രി​കെ വരുമ്പോൾ മ​റ്റ് കു​ട്ടി​ക​ളെ അ​വ​ര​വ​രു​ടെ വീ​ടു​ക​ളി​ൽ ഇ​റ​ക്കി​യ ശേ​ഷം വി​ജ​ന​മാ​യ സ്ഥ​ല​ങ്ങ​ളി​ൽ ഓ​ട്ടോ​റി​ക്ഷ നി​ർ​ത്തി​യി​ട്ടാ​യി​രു​ന്നു കു​ട്ടി​ക്കു​നേ​രെ ഇ​യാ​ൾ അ​തി​ക്ര​മം ന​ട​ത്തി​യി​രു​ന്ന​ത്.

ക​ഴി​ഞ്ഞ ദി​വ​സം സം​ഭ​വം ശ്ര​ദ്ധ​യി​ൽ​പ്പെ​ട്ട നാ​ട്ടു​കാ​രി​ൽ ഒ​രാ​ൾ കു​ട്ടി​യു​ടെ മാ​താ​വി​നോ​ട് വി​വ​രം പ​റ​ഞ്ഞു. തു​ട​ർ​ന്ന് മാ​താ​വ് വി​വ​ര​ങ്ങ​ൾ ചോ​ദി​ച്ച​പ്പോ​ഴാ​ണ് കു​ട്ടി പീ​ഡ​ന വി​വ​രം തു​റ​ന്നു പ​റ​ഞ്ഞ​ത്. തു​ട​ർ​ന്ന് കു​ട്ടി​യു​ടെ മാ​താ​വ് ന​ൽ​കി​യ പ​രാ​തി​യി​ൽ പ്ര​തി​യെ വീ​ട്ടി​ൽ പോ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു.  പോ​ക്സോ വ​കു​പ്പ് ചു​മ​ത്തി പ്ര​തി​യെ ഉ​ച്ച​യോ​ടെ തി​രു​വ​ല്ല കോ​ട​തി​യി​ൽ ഹാ​ജ​രാ​ക്കി.