റാന്നിയിൽ ഓടി കൊണ്ടിരുന്ന കെ.എസ്.ആർ.ടി.സി ബസിന് തീപിടിച്ചു

സംസ്ഥാനപാതയിൽ ഉതിമൂട്ടിൽ ഓടി കൊണ്ടിരുന്ന കെ.എസ്.ആർ.ടി.സി ബസിനു തീ പിടിച്ചു. നാട്ടുകാരുടെ സമയോജിതമായ ഇടപെടിൽ  വൻ അപകടം ഒഴിവായി.

ചൊവ്വാഴ്ച  ഉച്ചയ്ക്ക് 12:15ഓടെയാണ് സംഭവം നടന്നത്. അങ്കമാലി വഴി തൃശ്ശൂരിലേക്ക് പോയ ബസിനാണ് തീപിടിച്ചത്. നാട്ടുകാരും ജീവനക്കാരും ചേർന്നാണ് തീയണച്ചത്. യാത്രക്കാർ പരിഭ്രാന്തരായെങ്കിലും ആർക്കും പരിക്കേറ്റിട്ടില്ല. ഷോർട്ട് സർക്ക്യൂട്ടാണ് അപകട കാരണം.