ഇന്ത്യൻ നിർമിത വിദേശമദ്യം അനധികൃത വില്പന നടത്തിയതിന് കല്ലൂപ്പാറ കടമാൻകുളം ചാക്കോഭാഗം ഇലഞ്ഞിക്കൽ പാറയിൽ ബാബു എന്ന് വിളിക്കുന്ന വർഗീസ് ഈപ്പൻ (53) നെ കീഴ്വായ്പൂര് പോലീസ് അറസ്റ്റ് ചെയ്തു.
കടമാൻകുളം അങ്കണവാടിക്ക് സമീപത്തു നിന്നാണ് ഇയാളെ എസ്.ഐ. കെ. സുരേന്ദ്രന്റെ നേതൃത്വത്തിലുള്ള പോലീസ് സംഘം പിടികൂടിയത്. പോലീസ് സ്ഥലത്തെത്തുമ്പോൾ ഇയാൾ ഒരാൾക്ക് മദ്യവില്പന നടത്തുകയായിരുന്നു. പരിശോധനയിൽ പ്രതിയുടെ ബാഗിനുള്ളിൽനിന്ന്‌ മൂന്ന് കുപ്പി ഇന്ത്യൻ നിർമിത വിദേശമദ്യവും മൂന്ന് ഒഴിഞ്ഞകുപ്പികളും പോലീസ് കണ്ടെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.