മല്ലപ്പള്ളി ഗ്രാമപ്പഞ്ചായത്ത് ഡ്രൈവറെ പഞ്ചായത്തംഗം ഉൾപ്പെടെയുള്ളവർ മർദിച്ചതായി പരാതി. മല്ലപ്പള്ളി ഗ്രാമപ്പഞ്ചായത്തിന്റെ ജീപ്പ് ഡ്രൈവർ നെയ്യാറ്റുങ്കര കപ്രകരക്കാട് പുത്തൻവീട്ടിൽ ടി.അജി (50)ആണ് പരാതി നൽകിയത്. വെള്ളിയാഴ്ച വൈകീട്ട് മല്ലപ്പള്ളി ബസ്‌സ്റ്റാൻഡ് ഷോപ്പിങ് കോംപ്ലക്‌സിലെ പോർച്ചിൽ വണ്ടിയിടാൻ വന്നപ്പോഴാണ് സംഘർഷം ഉണ്ടായത്. ഇവിടെയിരുന്ന ഒരു ഇരുചക്രവാഹനം മാറ്റുന്നതിനെച്ചൊല്ലി അതിന്റെ ഉടമയും ജീപ്പ് ഡ്രൈവറും തമ്മിലുണ്ടായ തർക്കത്തിനിടെയാണ് സംഭവം. ഡ്രൈവർ ജില്ലാ ആശുപത്രിയിൽ ചികിത്സയിലാണ്.
എന്നാൽ താൻ ആരെയും മർദിച്ചില്ലെന്നും, വാക്കേറ്റം അവസാനിപ്പിക്കാൻ ശ്രമിക്കുക മാത്രമാണ് ചെയ്തതെന്ന് പഞ്ചായത്തംഗം സജി ഡേവിഡ് പറഞ്ഞു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 