കുന്നംന്താനം ഗ്രാമ പഞ്ചായത്ത്‌ സർക്കാർ ആയുർവേദ ഡിസ്‌പെൻസറിക്ക് പ്രഥമ ആയുഷ് കയകൽപ് അവാർഡ് ലഭിച്ചു. തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ നടന്ന പുരസ്കാരചടങ്ങിൽ മന്ത്രി വീണ ജോർജിൽ നിന്നും മെഡിക്കൽ ഓഫീസർ ഡോ. എന്‍ അഞ്ജന ആരോഗ്യ വിദ്യാഭ്യാസ സ്ഥിരംസമിതി അധ്യക്ഷ മിനി ജനാർദ്ദനൻ വികസന സ്ഥിരം സമിതി അധ്യക്ഷ വി എസ് ഈശ്വരി ജില്ലാ മെഡിക്കൽ ഓഫീസർ ഡോക്ടർ ജെ മിനി എന്നിവർ പുരസ്കാരം ഏറ്റുവാങ്ങി.
സർക്കാർ ആയുഷ് ആരോഗ്യ സ്ഥാപനങ്ങളിലെ ശുചിത്വം, മാലിന്യ പരിപാലനം, ആണുബാധ നിയന്ത്രണം എന്നിവ വിലയിരുത്തി പ്രോത്സാഹിപ്പിച്ച് സംസ്ഥാനത്തെ ആയുഷ് സ്ഥാപനങ്ങളുടെ ഗുണമേന്മ ഉറപ്പു വരുത്തുകയാണ് ലക്ഷ്യം. ആയുഷ് ഹെൽത്ത്‌ ആൻഡ് വെൽനെസ്സ് സെന്റർ വിഭാഗത്തിൽ കമന്റേഷൻ അവാർഡും മുപ്പത്തിനായിരം രൂപയുമാണ് സമ്മാനമായി ലഭിച്ചത്. മികച്ച പ്രവർത്തനം കാഴ്ച വെച്ച 132 ആയുഷ് സ്ഥാപനങ്ങൾക്ക്അവാർഡ് ലഭിച്ചു. ഈ വർഷം ദേശീയ നിലവാരമായ എന്‍എബിഎച്ച് സര്‍ട്ടിഫിക്കറ്റും സ്ഥാപനത്തിന് ലഭിച്ചിട്ടുണ്ട്. സ്ഥാപനത്തിലെ ജീവനക്കാരുടെയും പഞ്ചായത്തിന്റെയും പരിപൂർണ സഹകരണമാണ് ഈ പുരസ്കാരം നേടുന്നതിനു മുതൽ കൂട്ടായതെന്നു മെഡിക്കൽ ഓഫീസർ ഡോ. എന്‍ അഞ്ജന പറഞ്ഞു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 