റാന്നിയിൽ 96 വയസ്സുകാരിയെ പീഡിപ്പിക്കാൻ ശ്രമിച്ച കേസിൽ 64 കാരൻ അറസ്റ്റിൽ. വടശ്ശേരിക്കര പേഴുംപാറ 17 ഏക്കർ സ്വദേശി പത്രോസ് ജോൺ(ജോസ്) ആണ് അറസ്റ്റിലായത്.
തിങ്കളാഴ്ച ഉച്ചയോടെയായിരുന്നു സംഭവം. വയോധിക വീട്ടിൽ തനിച്ചായിരുന്ന സമയത്ത് വീട്ടിലെത്തി അവരുടെ വായിൽ തുണി തിരുകി കയറ്റിയശേഷം ബലപ്രയോഗത്തിലൂടെ പീഡിപ്പിക്കാൻ ശ്രമിക്കുകയായിരുന്നുവെന്നാണ് കേസ്. വായിൽ തിരുകിയ തുണി വലിച്ചൂരിയ ഇവർ ബഹളംവെച്ചതിനെ തുടർന്ന് സമീപവാസികൾ എത്തി. ഈസമയം ജോസ് ഓടി രക്ഷപ്പെട്ടു. നാട്ടുകാർ വിവരമറിയിച്ചതിനെത്തുടർന്ന് സ്ഥലത്തെത്തിയ പോലീസ് അതിജീവിതയുടെ മൊഴി രേഖപ്പെടുത്തി തുടർനടപടികൾ സ്വീകരിച്ചു.
പെരുനാട് പോലീസ് ഇൻസ്പെക്ടർ ജി. വിഷ്ണു, എസ്.ഐ.മാരായ കുരുവിള സക്കറിയ, അച്ചൻകുഞ്ഞ്, എസ്സിപിഒ പ്രസാദ്, സിപിഒമാരായ വിജേഷ്, അക്ഷയ് വേണു, അനന്തു എന്നിവരടങ്ങിയ സംഘം ഇയാളെ പിടികൂടുകയായിരുന്നു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 