പ്രത്യേക വോട്ടർ പട്ടിക പരിഷ്കരണവുമായി ബന്ധപ്പെട്ട് പത്തനംതിട്ട ജില്ലയിലെ എന്യൂമറേഷൻ ഫോം ശേഖരണവും ഡിജിറ്റൈസേഷനും 18-ന് അവസാനിക്കുമെന്ന് ജില്ലാ കളക്ടർ എസ്. പ്രേംകൃഷ്ണൻ അറിയിച്ചു. കളക്ടറേറ്റിൽ ചേർന്ന രാഷ്ട്രീയ പ്രതിനിധികളുടെ യോഗത്തിൽ സംസാരിക്കുകയായിരുന്നു അദ്ദേഹം.
ബിഎൽഎമാരുടെ സഹായത്തോടെ ആബ്സന്റ്/ഷിഫ്റ്റ് /ഡെത്ത് പരിശോധിച്ചതിനുശേഷം കുറ്റമറ്റ രീതിയിൽ ഡിസംബർ 23-ന് കരട് വോട്ടർപട്ടിക പ്രസിദ്ധീകരിക്കും. ആബ്സന്റ്/ഷിഫ്റ്റ്/ഡെത്ത് കേസുകളുടെ അടിസ്ഥാനത്തിൽ വോട്ടർ പട്ടികയിൽനിന്ന് ഒഴിവാക്കുന്ന വോട്ടർമാരുടെ വിവരം ജില്ലാകളക്ടറുടെ വെബ് പേജിൽ പ്രസിദ്ധീകരിക്കും.
സംശയ നിവാരണത്തിനും സഹായത്തിനുമായി ബന്ധപ്പെട്ട ബിഎൽഒമാരെയും കൺട്രോൾ റൂമിനെയും ജില്ലാ തിരഞ്ഞെടുപ്പ് ഓഫീസിനെയും ബന്ധപ്പെടാം. കൺട്രോൾ റൂം ഫോൺ നമ്പർ- 0468 2224256.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 