ഇന്നലെ ഉച്ചയോടെയായിരുന്നു അപകടം. തിരുവല്ല ഭാഗത്തേക്ക് വരികയായിരുന്ന കണ്ടെയ്നർ വാൻ നിയന്ത്രണം വിട്ട് എതിരെ വന്ന കാറുകളിലേക്ക് ഇടിച്ച് കയറി മറിയുകയായിരുന്നു എന്ന് പൊലീസ് വ്യക്തമാക്കി. വിവരമറിഞ്ഞ് ഉടൻ തന്നെ പൊലീസും ഫയർഫോഴ്സ് സംഘവും സ്ഥലത്തെത്തി അതിവേഗം രക്ഷാപ്രവർത്തനം ആരംഭിച്ചു. തിരുവല്ല അഗ്നിരക്ഷാസേനയാണ് വാനിൽ കുടുങ്ങിയ അബ്ദുൽ അഹദിനെ പുറത്തെടുത്ത് താലൂക്ക് ആശുപത്രിയിൽ എത്തിച്ചത്. മറ്റ് രണ്ടുപേർക്കും നിസ്സാര പരിക്കുകൾ മാത്രമേയുള്ളൂ. അപകടത്തിൽ മൂന്ന് വാഹനങ്ങൾക്കും സാരമായ കേടുപാടുകൾ സംഭവിച്ചിട്ടുണ്ട്.
എം.സി റോഡിൽ ഗതാഗതം സ്തംഭിച്ചു
അപകടത്തെ തുടർന്ന് എം.സി റോഡിൽ ഒരു മണിക്കൂറോളം ഗതാഗതം പൂർണ്ണമായും തടസ്സപ്പെട്ടു. ആംബുലൻസുകൾക്ക് ഉൾപ്പെടെ കടന്നുപോകാൻ കഴിയാത്ത വിധം വലിയ ഗതാഗതക്കുരുക്കാണ് ഇവിടെ അനുഭവപ്പെട്ടത്. തുടർന്ന് ക്രെയിൻ ഉപയോഗിച്ച് റോഡിന് കുറുകെ മറിഞ്ഞുകിടന്ന കണ്ടെയ്നർ വാൻ മാറ്റിയ ശേഷമാണ് ഗതാഗതം സാധാരണ നിലയിലാക്കിയത്.
സ്റ്റേഷൻ ഓഫീസർ ജെ. രാജേന്ദ്രൻ നായർ, സീനിയർ ഫയർ ആൻഡ് റെസ്ക്യൂ ഓഫീസർ കെ. സതീഷ് കുമാർ എന്നിവരുടെ നേതൃത്വത്തിൽ ഉദ്യോഗസ്ഥരായ ദിനുരാജ്, സാബു തോമസ്, ശ്രീദാസ്, സണ്ണി, യേശുദാസ്, വിഷ്ണു, ജയൻ, അനിൽ കുമാർ തുടങ്ങിയവർ രക്ഷാപ്രവർത്തനങ്ങളിൽ പങ്കെടുത്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 