റേഷൻ കൃത്യമായി ലഭിക്കുന്നതിനും 100 ശതമാനം ആധാർ സീഡിങ്‌ പൂർത്തീകരിക്കുന്നതിനും റേഷൻ കാർഡിൽ വന്നിട്ടുള്ള തെറ്റുകൾ തിരുത്തുന്നതിനുമായി സിവിൽ സപ്ലൈസ് വകുപ്പ് ‘തെളിമ’ പദ്ധതി ആവിഷ്‌കരിച്ചു.
പദ്ധതിപ്രകാരം റേഷൻ കാർഡ് അംഗങ്ങളുടെയും ഉടമയുടെയും പേര്, വയസ്സ്, മേൽവിലാസം, കാർഡുടമയുമായുള്ള ബന്ധം തുടങ്ങിയ വിവരങ്ങളിലെ തെറ്റുകൾ തിരുത്താം. എൽ.പി.ജി., വൈദ്യുതി കണക്ഷൻ എന്നിവയുടെ വിവരങ്ങൾ ചേർക്കാം.
റേഷൻ കാർഡ് ആധാറുമായി ബന്ധിപ്പിക്കാത്ത അംഗങ്ങൾക്ക് അതിനുള്ള അവസരവുമുണ്ട്. റേഷൻ ഡിപ്പോകളിൽനിന്ന്‌ ലഭിക്കുന്ന ഭക്ഷ്യധാന്യങ്ങളുടെ ഗുണനിലവാരം, അളവ് എന്നിവ സംബന്ധിച്ചും ഡിപ്പോയിലെ ലൈസൻസി/സെയിൽസ്‌മാൻ എന്നിവരുടെ പെരുമാറ്റം സംബന്ധിച്ചുള്ള പരാതികൾ, ഡിപ്പോ നടത്തിപ്പിനെസംബന്ധിച്ചുള്ള അഭിപ്രായങ്ങളും നിർദേശങ്ങളും വകുപ്പിനെ അറിയിക്കാം.
പദ്ധതിയുമായി ബന്ധപ്പെട്ട്‌ റേഷൻ കടകളിൽ സ്ഥാപിച്ചിട്ടുള്ള ബോക്സിൽ ഡിസംബർ 15 വരെ അപേക്ഷകളും പരാതികളും നിക്ഷേപിക്കാം. ഫോൺ: 0468-2222612, 2320509.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.