മ​ണി​മ​ലയാർ ക​ര​ക​വി​ഞ്ഞു, മല്ലപ്പള്ളിയുടെ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ൽ

ര​ണ്ടു​ദി​വ​സ​മാ​യി തകർത്തു പെ​യ്യു​ന്ന കാ​ല​വ​ർ​ഷം മല്ലപ്പള്ളി താലൂക്കിനെ പ്ര​ള​യ​ക്കെ​ടു​തി​യി​ലേ​ക്ക് ത​ള്ളി​വി​ട്ടു തു​ട​ങ്ങി. കി​ഴ​ക്ക​ൻ മേ​ഖ​ല​യി​ൽ ര​ണ്ടു ദി​വ​സ​ത്തി​നി​ടെ വ​ൻ​തോ​തി​ൽ മ​ഴ​ക്കെ​ടു​തി​ക​ൾ ഉ​ണ്ടാ​യി. മ​ണി​മ​ലയാറിന്റെ ജ​ല​നി​ര​പ്പ് പ​ല​യി​ട​ങ്ങ​ളി​ലും അ​പ​ക​ട​നി​ല​യ്ക്കു മു​ക​ളി​ലാ​ണ്.

കോ​ട്ടാ​ങ്ങ​ല്‍ പ​ഞ്ചാ​യ​ത്തി​ല്‍ മ​ണി​മ​ല​യാ​റി​ന്‍റെ തീ​ര​ത്തോ​ടു ചേ​ര്‍​ന്ന പ്ര​ദേ​ശ​ങ്ങ​ളി​ല്‍ രാ​വി​ലെ ​ത​ന്നെ വെ​ള്ളം ക​യ​റി തു​ട​ങ്ങിയിരുന്നു. മ​ണി​മ​ല റോ​ഡി​ല്‍ വെ​ള്ളം ക​യ​റി ഗ​താ​ഗ​തം മു​ട​ങ്ങി. 

മ​ല്ല​പ്പ​ള്ളി-​ആ​നി​ക്കാ​ട് റോ​ഡി​ലും മ​ല്ല​പ്പ​ള്ളി തി​രു​മാ​ലി​ട ക്ഷേ​ത്ര പ​രി​സ​ര​ത്തും വെ​ള്ളം ക​യ​റി. വെ​ള്ള​ക്കെ​ട്ട് രൂ​ക്ഷ​മാ​യ​തോ​ടെ ഗ​താ​ഗ​തം ത​ട​സ​പ്പെട്ടു. തീ​ര​ങ്ങ​ളി​ലെ നി​ര​വ​ധി വീ​ടു​ക​ളി​ല്‍ വെ​ള്ളം ക​യ​റി​ത്തു​ടങ്ങിയിട്ടുണ്ട്.

മ​ല്ല​പ്പ​ള്ളി താ​ലൂ​ക്കി​ൽ സി​എം​എ​സ് എ​ച്ച്എ​സ്എസ് മല്ലപ്പള്ളി , സെ​ന്‍റ് മേ​രീ​സ് എ​ൽ​പി​എ​സ് മല്ലപ്പള്ളി, മുരണി യൂ പി സ്കൂൾ, ഗവ. ഹയർ സെക്കണ്ടറി സ്കൂൾ കീഴ്വായ്‌പുർ, ഗവ. എൽ വി എൽ പി സ്കൂൾ പൊട്ടമല, ശബരി ദുർഗ കോളേജ് കുളത്തൂർ, ബഹനാസ് എ​ച്ച്എ​സ് എന്നിവിടങ്ങളിൽ ദുരിതാശ്വാസ ക്യാമ്പു​ക​ൾ തു​റ​ന്നു. 

Flood at Mallappally - July 2023