ആനിക്കാട് പഞ്ചായത്തിലെ തകർന്ന റോഡുകൾ അടിയന്തരമായി അറ്റകുറ്റപ്പണി നടത്തി സഞ്ചാരയോഗ്യമാക്കണമെന്ന് ആവശ്യപ്പെട്ട് ജനകീയ സമിതി രൂപവത്‌കരിച്ചു.
ആനിക്കാട്ടിലമ്മ ക്ഷേത്രം മേൽശാന്തി നീലകണ്ഠൻ നമ്പൂതിരി, റവ. അച്ചൻകുഞ്ഞ് മാത്യു, പുന്നവേലി പുതൂർപള്ളി ഇമാം ഷാജഹാൻ മൗലവി എന്നിവർ ചേർന്ന് യോഗം ഉദ്‌ഘാടനം ചെയ്തു.
ആർ.സുരേഷ്‌കുമാർ ചെറുകര അധ്യക്ഷത വഹിച്ചു. കാവനാൽക്കടവ്-നെടുംകുന്നം, പുല്ലുകുത്തി-മല്ലപ്പള്ളി പാതകൾ കുണ്ടും കുഴിയുമായി കിടന്നിട്ട് നാളേറെയായിട്ടും അധികാരികൾ നടപടി സ്വീകരിക്കാത്തതിൽ യോഗം പ്രതിഷേധിച്ചു.
താലൂക്ക് ഉപരോധം ഉൾപ്പെടെയുള്ള സമരം നടത്താൻ തീരുമാനിച്ചു. ആർ.സുരേഷ്‌കുമാർ ചെറുകര കൺവീനറായി 120-അംഗ സമിതിയെ തിരഞ്ഞെടുത്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക.